SHaxmat bo'yicha birinchi onlayn O'zbekiston chempionati o'tkaziladi

Joriy yilning 11 mayidan 19 mayiga qadar havaskorlar o'rtasida shaxmat bo'yicha “Uyda qol va g'alaba qozon!” shiori ostida birinchi onlayn O'zbekiston chempionati o'tkaziladi va unda respublikamizning barcha hududlaridan xohlovchilar ishtirok etishi mumkin.

Musobaqa ishtirokchilarining yoshi chegaralanmagan. Onlayn musobaqa g'oliblari pul mukofoti bilan taqdirlanadi. Musobaqada qatnashish istagida bo'lgan havaskorlar www.chess.com saytiga kirib, ro'yxatdan o'tishlari lozim.

Jami 10 ta turnir o'tkaziladi – 10 ta g'olib aniqlanadi. G'oliblar bank kartasiga pul o'tkazish yo'li orqali taqdirlanadi. G'olib havaskor shaxmat bo'yicha birinchi O'zbekiston CHempionati g'olibi diplomi bilan taqdirlanadi.

O'yinlar o'n kun davomida 11 maydan 19 mayga qadar Toshkent vaqti bilan 20:30 da o'tkaziladi. G'olib ikki marta qatnashish huquqiga ega emas.

Turnirdan ko'zlangan maqsad – aholining bo'sh vaqtini mazmunli va sifatli o'tkazish, karantin davrida sport hamda ko'ngilochar strategiyalarni targ'ib qilish, shuningdek, shaxmatni intellektual sport turi sifatida ommalashtirish.

O'yinlar va qiziqarli sharhlarni O'zbekiston Kibersport Federaciyasining Youtubeʼdagi rasmiy kanali (https://www.youtube.com/channel/UCXcUXd7HiXVqnZuexfBpVjA) orqali tomosha qilishingiz mumkin.