SHaxmat bo'yicha birinchi onlayn O'zbekiston chempionati qoidalari bilan tanishmisiz?

Vaqt nazorati: (3 + 1) barcha ishtirokchilarga o'yin tugaguniga qadar har bir yurish uchun 3 daqiqa + 1 soniya taqdim etiladi. Musobaqada shaxmat ixlosmandlari – O'zbekiston Respublikasi fuqarolari ishtirok etishlari mumkin. FIDE ID va FIDE ELO reytingini ko'rsating.

FIDE ELO ishtirokchisining reytingi 2200dan oshmasligi kerak. Musobaqada ishtirok etishingiz uchun siz talablarga muvofiq, chess.com o'yin veb-saytidagi “O'zbekiston Respublikasi Jismoniy tarbiya va sport vazirligi” shaxmat klubiga azo bo'lishingiz kerak.

SHu bilan birga, musobaqaning har bir ishtirokchisi chess.com saytida o'z ismi va familiyasiga mos keladigan rasmiy loginga ega bo'lishi lozim.

Muhim eslatma: ro'yxatdan o'tgan dastlabki 1000 (ming) nafar ishtirokchiga musobaqada(hamkor platformalarining belgilangan chegarasi bilan bog'liq) qatnashish huquqi beriladi.

FIDE ID – FIDE kodi o'yinchining doimiy shaxsiy raqami (ID) va qaysi turnirda (klassik, rapid, blic) ishtirok etishidan qatiy nazar, uning indentifikatori o'zgarmaydi.

FIDE ELO – ELO reyting ELO reyting tizimi, ELO koefficienti – ikkita o'yinchi ishtirok etadigan o'yinlarda (masalan, segi, go yoki shaxmat) o'yinchilarning nisbiy kuchini hisoblash usuli.

Hurmatli musobaqa ishtirokchilari! Onlayn shaxmat musobaqasini OAV, xususan TVda keng yoritish maqsadida sizlardan uy sharoitida musobaqada ishtirok etayotgan holatlaringiz aks etgan foto va videolavhalarni telegram messenjeri orqali quyidagi raqamga yuborishlaringizni so'raymiz: +99893 394-54-86