SHaxmat bo'yicha reyting turniri yakunlandi

Unda 8 yoshdan 14 yoshgacha bo'lgan 100 dan ziyod shaxmatchi ishtirok etdi.

Musobaqada Olmos Rahmatullaev, Mubina Abulqosimova, Javohir Bozorov, Mumtozbegim Mansurova, Aqjo'l Rahmatullaev, Mohinur Habibullaeva, Humoyun Bekmurodov shohsupaning yuqori pog'onasidan joy egalladi.

Yuqori natija qayd etgan Olmos Rahmatullaev etti turning oltitasida g'alaba qozonib, bir o'yinda durangga imzo chekdi. Olmos joriy yilning avgust oyida Moskvada bolalar o'rtasida o'tkaziladigan “Botvinnik kubogi”da ishtirok etish huquqini qo'lga kiritdi. U bilan birga mazkur musobaqada Davron O'rmonov, Mirfayz Sunnatov ham mamlakatimiz sharafini himoya qiladi.