SHaxmat. Bugun uch nafar hamyurtimiz Jahon kubogida 2-bosqich uchrashuvlarini boshlaydi

Bugun musobaqa doirasida 2-bosqich bahslari o'tkaziladi. 

Javohir Sindarov va Nodirbek Yakubboev 1-bosqichda g'alaba qozonishgani, Nodirbek Abdusattorov esa reytingi yuqoriligi sabab to'g'ridan-to'g'ri 2-bosqichda qatnashishi haqida xabar qilgandik. 

Bugun boshlanadigan 2-bosqich bahslarida hamyurtlarimizga quyidagi grossmeysterlar raqiblik qilishadi:

Nodirbek Abdusattorov - Vexap Sanal (Turkiya)

Javohir Sindarov - Markus Ragger (Avstriya)

Nodirbek Yakubboev - Benjamin Gledura (Vengriya)

Bahslar Toshkent vaqti bilan soat 16:00da boshlanadi. 

Eslatib o'tamiz, bitta raund bahslari uch kungacha davom etishi mumkin. Agar o'tgan 2 kun (2 ta partiya) yakuniga ko'ra g'olib aniqlanmasa, 3-kunda tay-brek o'ynaladi. 

Bungacha SHamsiddin Vohidov va Nilufar Yakubboeva musobaqani 1-bosqichda yakunladi.