SHaxmat Olimpiadasi. Asosiy raqiblarimiz ham g'alaba bilan boshlashdi

Xabaringiz bor, O'zbekiston erkaklar terma jamoasi amaldagi shaxmat Olimpiadasi chempioni hisoblanadi. 45-Butunjahon shaxmat Olimpiadasining 1-turida yosh grossmeysterlarimiz Trinidad va Tobago terma jamoasini 3,5:0,5 hisobida mag'lub etib, chempionlik himoyasini muvaffaqiyatli boshlab olishdi. 

Terma jamoamizning asosiy raqiblari ham 1-turda oson g'alabaga erishishdi. Hindiston terma jamoasi Marokashni 4:0, Xitoy Dominikan Respublikasini 4:0, AQSH Panamani 3,5:0,5 hisobida mag'lubiyatga uchratdi.