26 noy 13:19
Yangiliklar

SHaxmat

SHaxmat Olimpiadasida sovrindor bo'lgan hamyurtlarimiz taqdirlanishdi + FOTO

Teglar : SHaxmat

28 oktyabr - 6 noyabr kunlari Turkiyaning CHorum shahrida 16 yoshgacha bo'lgan aql-idrok sohiblari o'rtasida Butunjahon SHaxmat olimpiadasi bo'lib o'tdi.

Musobaqada 9 tur natijasiga ko'ra, birinchi o'rinni Ozarbayjon terma jamoasi 16 ochko bilan birinchi o'rinni qo'lga kiritdi. Hamyurtlarimiz 15 ochko bilan ikkinchi o'rinni, 14 ochko bilan Belarus termasi vakillari uchinchi o'rinni egallashdi.

Mazkur Olimpiadada yurtimiz sharafini Xalqaro toifadagi grossmeysterlar Nodirbek Abdusattorov, Javohir Sindarov, FIDE sport ustasi Ali Kasimov, Muhiddin Madaminov, FIDE sport ustasi Umida Omonova murabbiy Sayidali Yo'ldoshev boshchiligida himoya qilishdi.

38 davlatdan 44 jamoa, umumiy hisobda 300 nafardan ortiq shaxmatchi qatnashgan musobaqada ikkinchi o'rinni egallagan shaxmatchilarimiz bugun O'zbekiston shaxmat federaciyasida taqdirlanishdi.

Qayd etish lozimki, sportchilarning musobaqada Raqamli iqtisodiyotni qo'llab-quvvatlash “Raqamli ishonch” fondi, shuningdek, Loyiha boshqaruvi milliy agentligi yordamida ishtirok etishdi.