SHaxmat. Osiyo chempionati davom etmoqda

O'zbekiston Respublikasi Jismoniy tarbiya va sport davlat qo'mitasi, mamlakatimiz shaxmat federaciyasi va Osiyo shaxmat federaciyasi hamkorligida tashkil etilgan nufuzli musobaqada qitamizning yigirmaga yaqin davlatidan to'rt yuzga yaqin shaxmatchi g'oliblik uchun bahslashmoqda. 

CHempionatning sakkiz yoshgacha o'g'il bolalar o'rtasidagi bahslarida hali biron marta mag'lubiyatga uchramagan Alixon Avazxonov etakchilar qatorida bormoqda. U besh partiyaning uchtasida g'alaba qozonib, ikkitasida durang o'ynagan va to'rt ochko jamg'argan. Kamron Karimov, SHahrombek Karimov va Xumoyun Begmurodov besh imkoniyatdan 3,5 ochkodan to'plagan. Ushbu yoshdagi qizlar musobaqasida bir yo'la ikki shaxmatchimiz peshqadamlik qilmoqda. Odina Olimova besh partiyaning barchasida raqiblarini mag'lubiyatga uchratib, 5 ochko bilan birinchi o'rinni egallab turibdi. Afro'za Hamdamova esa besh imkoniyatdan 4,5 ochko jamg'arib, ikkinchi o'rinda bormoqda. 

O'n yoshgacha o'g'il bolalar bahsida muvaffaqiyatli o'ynayotgan Akobirxon Saydaliev 3,5 ochko to'plagan bo'lsa, Islombek Sindorov, Umarxon Faxriddinxo'jaev, Oqjo'l Rahmatullaev, Sulton Tursunov va Davlat Mahmudjonov hisobida 3 ochkodan bor. Qizlar o'rtasida Guldona Karimova besh imkoniyatdan 3,5 ochko jamg'argan bo'lsa, Ozoda To'raboevada 3 ochko bor. 

O'n ikki yoshgacha o'g'il bolalar o'rtasida Javohir Sindorov besh partiyaning to'rttasida raqiblarini mag'lubiyatga uchratib, sovrinli o'rinlarga asosiy davogarlardan bo'lib turibdi. Hadiyatullo Muhamedov va Bobur Boboxo'jaev 3,5 ochkodan jamg'argan. Qizlar bahsida Umida Omonova 3,5 ochko, Maftuna Bobomurodova va Mohinur Habibullaeva 3 ochkodan to'plagan. 

O'n to'rt yoshgacha o'g'il bolalar o'rtasida Nodirbek Abdusattorov 4,5 ochko bilan birinchi o'rinda bormoqda. Musobaqada u BAA, Qozog'iston, Eron va Mo'g'uliston vakillarini mag'lub etib, hindistonlik shaxmatchi bilan durang o'ynadi. Ali Qosimov, Sardor Boltaev, Mehriddin Yo'ldoshev va Samandar SHermuhammadov 3 ochkodan jamg'argan. Qizlar bahsida Yuliya Xegay va Sevinch Olimovada 3,5 ochkodan, Dilbar Hamroeva, Iroda Ismoilova va Safinoza Jalilovada 3 ochkodan bor. 

O'n olti yoshgacha o'g'il bolalar o'rtasida Nodirbek Yoqubboev, Saidakbar Saydaliev va SHamsiddin Vohidov 4 ochko bilan kuchli uchlikda bormoqda. Nodirbek va Saidakbar besh partiyaning to'rttasida g'alaba qozongan bo'lsa, SHamsiddin uchta g'alaba va ikkita durang natija qayd etdi. Qizlar o'rtasida besh imkoniyatdan Xolida Namozova va Marjona Malikova 3,5 ochkodan, Setora Safarova va Zebo Abdullaeva 3 ochkodan to'plagan. 

O'n sakkiz yoshgacha o'g'il bolalar o'rtasida Armen Arutyunyan hisobida 3 ochko, Ortiq Nig'matov, Georgiy SHvanov, Oqilbek Hamidov va Behzod Solijonov hisobida 2,5 ochkodan bor. Qizlar o'rtasida Bahora Abdusattorova 4,5 ochko bilan etakchilik qilmoqda. Gulruhbegim Tohirjonova, Mohim Orazmuhamedova 3,5 ochkodan, Nilufar Yoqubboeva va Hilola Abdukarimova 3 ochkodan to'plagan. 

Osiyo chempionati davom etmoqda. 

Bayram Aytmurodov, O'zA