SHaxmat. Osiyo chempionati: Yakubbaeva 3, SHamsiddin 8 va boshqa vakillarimiz qanday natija ko'rsatishmoqda?

Avvalroq, ushbu musobaqada O'zbekiston terma jamoasi azolari ham ishtirok etayotganliklari haqida xabar qilgandik. 

Hozircha musobaqada 5-tur bellashuvlari ortda qoldi. 

Erkaklar o'rtasidagi bahslarda hozircha eng yaxshi natijani SHamsiddiin Vohidov qayd etmoqda. CHennay Olimpiadasi chempioni ayni paytda 5 ta imkoniyatdan 4 ochko jamg'argan holda, 8-o'rinni egallab turibdi. U peshqadam Xarsha Baratxakotidan yarim ochko ortda qolmoqda. 

Ortiq Nigmatov esa 3 ochko bilan 24-o'rinni band etgan. 

Abdimalik Abdisalimov 2,5 ochko bilan 54, Saidakbar Saidaliev esa 2 ochko bilan 55-o'rinni egallab turibdi. SHaxmat Olimpiadasining yana bir chempioni Nodirbek Yakubbaev hisobida ham 2 ochko bor (71-o'rin). Bobir Sattarov ham 2 ochko bilan 72-o'rinda turibdi. 

Erkaklar o'rtasidagi bahslarda umumiy hisobda 92 nafar shaxmatchi ishtirok etmoqda. 

Ayollar o'rtasidagi bahslardagi yagona vakilimiz Nilufar Yakubbaeva esa 4 ochko bilan 3-o'rinni egallab turibdi.