SHaxmat. Toshkentda Erkin Vohidov xotirasiga bag'ishlangan turnir start oldi + FOTOGALEREYA

23-24 dekabr kunlari O'zbekiston SHaxmat federaciyasi va O'zbekiston Yozuvchilar uyushmasi hamkorligida ilk bora O'zbekiston Qahramoni, Xalq shoiri Erkin Vohidov xotirasiga bag'ishlangan shaxmat turniri bo'lib o'tmoqda. Bahslarda 100 dan ortiq professional hamda havaskorlar ishtirok etmoqda. O'zbekiston Qahramoni, Xalq shoiri Erkin Vohidov xotirasiga bag'ishlangan shaxmat bo'yicha  xalqaro turniri Rapid yo'nalishida 7 turdan, “A” va “B” guruhlarida o'tkaziladi. Musobaqa shveycarcha tizimda, FIDE qoidalari bo'yicha o'tkaziladi. 

Musobaqada o'yin vaqtini nazorat qilib borish uchun elektron soatlardan foydalaniladi. 

Xotira turnirda qatnashish uchun professional shaxmatchilarning FIDE xalqaro reytingida 2000 balldan kam bo'lmasligi talab etiladi, havaskorlar o'rtasida qatnashish uchun esa O'zbekiston Yozuvchilar uyushmasi, Milliy Teleradiokompaniyasi tomonidan taqdim etilgan ro'yhat asosida qatnashish imkoniyatiga ega bo'ladilar.

O'zbekiston Qahramoni, Xalq shoiri Erkin Vohidov xotirasiga bag'ishlangan shaxmat turniri shveycarcha tizimda o'tkazilib, bugun 4 tur, 24 dekabrda esa qolgan 3 tur tashkil etiladi. 

CHempionat davomida O'zbekiston SHaxmat Federaciyasidan tashrif buyurgan tajribali, professional hakamlar ishlashmoqda. 

Xotira turnirining ochilish marosimi 23 dekabr kuni soat 10:00 da Xalqaro SHaxmat akademiyasi xalqaro musobaqalar o'tkazish zali “Ayvon” binosida, yopilish hamda taqdirlash marosimi esa 24 dekabrda soat 12:00 da bo'lib o'tadi. CHempionat yakunida ishtirokchilar diplom, medal bilan taqdirlanadilar.

Suratlar muallifi - Alimurod Mamadaminov