SHaxmat: Xalqaro turnirning 6-turidan keyingi vaziyat qanday?

Dunyoning 12 davlatidan 150 nafar aql-idrok sohiblari qatnashayotgan musobaqaning “A” guruhida hamon etakchilar o'sha-o'sha, 4 nafarni tashkil etib turibdi. Faqat peshqadamlar kvartetida eronlik Arian Golami o'rnini hamyurtimiz Nodirbek Yoqubboev egalladi, yani etakchilar safidan ikki nafar o'zbekistonlik va ikki nafar Armaniston vakillari joy olishgan.

Turnirning 1-tartib raqamli ishtirokchisi Nodirbek Abdusattorov dastlabki 4 turda yuz foizlik natija qayd etgan bo'lsa-da, 5 va 6-partiyalarda kuchli raqiblari bilan murosaga erishdi. Avvaliga armanistonlik SHant Sargisyan, keyin esa jamoadoshi va adashi Nodirbek Yoqubboevlar bilan durang qayd etdi.

6-turdan so'ng endi o'zbekistonlik yosh grossmeysterlar N.Abdusattorov hamda N.Yoqubboev, shuningdek Armaniston terma jamoasi azolari SH.Sargisyan va Tigran Arutunyanlar bir xil – 5 tadan ochko jamg'arishgan holda etakchilik qilishmoqda.

5-o'rindan 4,5 ochko bilan yana bir armanistonlik grossmeyster Manuel Petrosyan joy olgan. Undan keyingi pog'onalarni 4 ochkodan jamg'argan biryo'la 14 nafar shaxmatchi band etgan. Etiborlisi, ulardan 6 nafari O'zbekiston vakillaridir.