SHaxmatchilarimiz Blic bo'yicha jahon chempionatini nechanchi o'rinlarda yakunlashdi?

Ushbu nufuzli musobaqada dunyoning 70 davlati vakillari orasida O'zbekiston terma jamoasining 15 nafar shaxmatchisi ham ishtirok etdi. Dunyo birinchiligining so'nggi ikki kuni blic yo'nalishida bahslar o'tkazildi. Saralash bahslarida kuchli to'rtlikdan joy olib, yarim finalga yo'l olgan Nodirbek Abdusattorov hindistonlik Arjun Ergaisini 2,5:0,5 hisobida mag'lubiyatga uchratdi. Jahon chempionligi uchun kechgan dramatik finalda esa jahonning birinchi raqamli shaxmatchisi, norvegiyalik afsona Magnus Karlsenga 1,5:2,5 hisobida imkoniyatni boy berib, vice-chempionga aylandi.    

Ham rapid, ham blic bo'yicha jahon chempionatidagi eng yaxshi natijamiz ham aynan 2-o'rin bo'ldi. Jahon Kubogi sohibi Javohir Sindarov 12,5 ochko bilan qo'shimcha ko'rsatkichlarga ko'ra 14-o'rinni egalladi. Ayollar o'rtasidagi blic musobaqasida esa jahon chempionati kashfiyotiga aylangan va ketma-ket 6 ta partiyada g'alaba qozongan Umida Omonova Top-8`talikdan joy oldi. Bu O'zbekiston ayollar shaxmati uchun tarixiy natija hisoblanadi. SHu kungacha ayol shaxmatchilarimizdan hech kim jahon chempionatida kuchli sakkiztalikdan joy olmagandi. 

SHaxmatchilarimizning Blic bahslaridagi yakuniy o'rinlari:

Erkaklar:

1. Nodirbek Abdusattorov – 2-o'rin!

2. Javohir Sindarov – 12,5 ochko, 14-o'rin

3. Nodirbek Yakubboev – 11 ochko, 65-o'rin

4. Muhammadzohid Suyarov – 10 ochko, 101-o'rin

5. Jahongir Vohidov – 10 ochko, 118-o'rin

6. Muhiddin Madaminov – 9,5 ochko, 125-o'rin

7. SHamsiddin Vohidov – 9,5 ochko, 129-o'rin

8. Humoyun Begmuratov – 9 ochko, 153-o'rin

9. Islombek Sindarov – 8 ochko, 194-o'rin

Ayollar:

1. Umida Omonova – 10 ochko, 8-o'rin

2. Gulruhbegim Toxirjonova – 8,5 ochko, 44-o'rin

3. Afruza Hamdamova – 8 ochko, 55-o'rin

4. Madinabonu Xalilova – 6,5 ochko, 95-o'rin

5. Nilufar Yakubbaeva – 6,5 ochko, 103-o'rin

6. Guldona Karimova – 5,5 ochko, 123-o'rin