SHaxmatchilarimiz Jahon chempionatidan qancha mukofot puli ish olib olishdi?

Ushbu nufuzli musobaqada dunyoning 70 davlati vakillari orasida O'zbekiston terma jamoasining 15 nafar shaxmatchisi ham ishtirok etgani va ularning yakunda qanday o'rinlarni band etgani haqida xabar bergan edik. 

Blic yo'nalishida jahon chempionatining vice-chempioniga aylangan Nodirbek Abdusattorov haqli ravishda shaxmatchilarimiz orasida eng ko'p mukofot pulini qo'lga kiritdi. U blicdagi ikkinchi o'rin uchun 50 000, rapidda egallagan 23-o'rni uchun 3000, jami 53 000 evro pul mukofoti ishlab oldi. 

Qatorasiga uchinchi yil Blicda ham, Rapidda ham jahon chempioni bo'lgan Magnus Karlsen 140 000 evro mukofot puliga ega chiqdi. CHempionlik uchun 70 000 evro ajratilgandi. Jahon chempionatidagi eng ko'p pul mukofotiga Magnus ega bo'ldi.    

Jahon chempionatida Top-35`talikdan joy olgan shaxmatchilarga pul mukofoti taqdim etildi. Erkaklarda eng kam ulush - 1500, ayollarda esa - 1000 evro bo'lib, mos ravishda 26-55 hamda 16-20 o'rinlarni band etgan shaxmatchilarga topshirildi.    

Ayollar o'rtasidagi blic bahslarida kuchli sakkiztalikdan joy olish asnosida O'zbekiston ayollar shaxmatida yangi sahifaning ochilishiga sababchi bo'lgan Umida Omonova 15 000 evro mukofot puliga ega chiqdi. Umida rapid bahslarida nisbatan omadsiz ishtirok etgandi. 

Javohir Sindarov Qatardagi Jahon chempionatidan umumiy hisobda 21 000 evro ishlab oldi: rapiddagi ishtirokidan 16 000, blicdan esa 5000. Qolgan shaxmatchilarimizning egallagan o'rinlari mukofot pullariga etarli bo'lmadi.