SHaxmatchimiz Biloliddin Obidov Batumida jahon chempionligiga erishdi

Oltita yosh toifasida sovrindorlikka nomzodlar qatorida mamlakatimizning ikki nafar vakili kurash olib borgani ko'pchilikning etiborini tortdi.   

12 yoshlilarning “A” guruhida etakchilikka erishgan istedodli shaxmatchimiz Biloliddin Obidov jahon chempionligi uchun xitoylik Xaomin Ku bilan kurash olib borli.   

Davogarlar o'rtasida o'tkazilgan ilk o'yinda hamyurtimiz xitoylik shaxmatchini 1:0 hisobida mag'lubiyatga uchratgan bo'lsa, kecha qora donalarda harakatlangan hamyurtimiz raqibi bilan g'alabaga teng durang natijani qayd etdi va 12 yoshlilar o'rtasida jahon chempioni bo'ldi. 

SHuningdek, 10 yoshli qizlar o'rtasidagi bahslar sarhisobiga ko'ra, mahoratli shaxmatchi qizlarimizdan biri Husnoraxon Husniddinova yarim final ostonasigacha etib kelib, bronza medali uchun kechgan musobaqada FIDE bayrog'i ostida ishtirok etgan Angelina Vlad Ambarcumyan bilan kuch sinashdi.   

Ushbu bahsning ilk partiyasida hamyurtimiz qora donalarda raqibini taslim etdi. Kecha o'tkazilgan ikkinchi partiyadagi durang esa 10 yoshli shaxmatchi qizimizga jahon chempionatining bronza medalini tuhfa etdi.   

40 ga yaqin mamlakatning 300 nafarga yaqin yosh “aql gimnastikasi” sohiblari o'rtasidagi jahon chempionatida o'zbekistonlik shaxmatchilar 1 ta oltin, 1 ta bronza medaliga musharraf bo'lishi Rustam Qosimjonov, Nodirbek Abdusattorov, Nodirbek Yoqubboev kabi professionallarimizning munosib izdoshlari kamolga etayotganini ko'rsatdi.