SHaxmatimiz yulduzlariga mukofotlar topshirildi + FOTO

Yurtimiz bo'ylab istiqlolning shonli 30 yillik bayram shukuhi kezib yurgan shu kunlarda mamlakatimizni har tomonlama taraqqiy ettirish, uning jahon miqyosidagi shon-shuhratini oshirishga katta hissa qo'shayotgan, davlatimiz iqtisodiyoti va aholi farovonligini yuksaltirishda ibrat va namuna bo'lib kelayotgan bir qator yurtdoshlarimiz «O'zbekiston Respublikasi mustaqilligining 30 yilligi» esdalik nishoni bilan mukofotlanmoqda.

O'zbekistonda SHaxmat sport turi ham so'nggi yillarda tobora rivojlanayotgan sport turlari qatoriga kirmoqda. Ana shunday bir guruh O'zbekiston shaxmat federaciyasining fidoiylariga "O'zbekiston Respublikasi mustaqilligining 30 yilligi" esdalik nishoni topshirildi. Ko'krak nishonini Bosh vazir o'rinbosari, turizm va sport vaziri, shaxmat federaciyasi raisi Aziz Abduhakimov topshirdi.

Bu mukofot shaxmatchilarning mehnatlari uchun munosib rag'bat, yuksak ishonch va albatta, bundan keyingi faoliyati uchun masuliyatdir.

Bu kabi etibor shaxmatni ommalashtirishga va yanada rivojlantirishga hamda kelajakdagi ishlarni jadallashtirishga xizmat qilishi shubhasiz.‌‌

Suratlar muallifi - Alimurod MAMADAMINOV, o'z muxbirimiz