SHoakram Isroilov va Jasur Matchanov ROZKdagi yig'ilishda ishtirok etdi

Bugun esa ana shu yig'ilishning mantiqiy davomi Respublika olimpiya zaxiralari sport kollejida bo'lib o'tdi. Jismoniy tarbiya va sport vaziri SHoakram Isroilov, Milliy olimpiya qo'mitasi Bosh kotibi Jasur Matchanov, shuningdek, mamlakatimizdagi sport federaciyalari rahbarlari ishtirok etgan yig'ilishda kollej binosini rekonstrukciya qilish, qabul kvotalari, tashkiliy va boshqa masalalar ko'rib chiqildi.

Yangilangan kollejda Olimpiya sport yo'nalishlariga ixtisoslashtirilgan zallar jahon standartlariga javob berishi, har bir sport turi uchun alohida yondoshuv asosida jihozlanishi lozimligi qayd etildi.

Malumki, Respublika olimpiya zaxiralari kolleji terma jamoalarimiz uchun asosiy baza sifatida xizmat qilishi lozim. SHunga yarasha, mazkur o'quv dargohi sportchilari qayd etayotgan natijalar ham mamlakatimizda yuqori o'rinlarda turishi kerak. Ammo, ayni paytda qayd etilayotgan natijalar ko'ngildagidek bo'lmayapti. SHu sababdan ham, bu erda tahsil olayotgan sportchilarni qayta sinovdan o'tkazish kerakligi borasida topshiriq berildi.