SHohjahon Ergashevni sudga berishdi

Bunga sportchi shartnoma shartlarini bajarmagani sabab bo'lgan. Michigan shtatining sharqiy okrugi Federal sudiga kelib tushgan arizaga ko'ra, Nyu-Yorkda ro'yxatga olingan Salita Promotions bokschi bilan 2017 yildan boshlangan 5 yillik eksklyuziv aloqaga ega. SHartnomaning bir bandida to'g'ridan-to'g'ri shunday yozib qo'yilgan: yani unga ko'ra, bokschi kompaniya bevosita promouter bo'lmagan janglarda ishtirok etmaslikka rozilik bildirgan. 

SHuningdek, promouterlik kompaniyasi Ergashev ushbu kelishuvni buzgan taqdirda, sud orqali bu kabi qoidabuzarliklar takrorlanmasligini va 75 ming dollar talab qilishga haqli. 

Salita Promotions arizasi 21 sentyabr kuni Sankt-Peterburgda Ergashev va Dimitriy Milyusha o'rtasida bo'lishi rejalashtirilgan jang bilan bog'liq. 

Ergashevga to'rt punkt bo'yicha shikoyat tushgan, shu o'rinda Bogdanovga ham etirozlar mavjud. Kompaniya Amerika sudidan bokschi shartnomada ko'rsatilgan tartibda kelishilmagan boshqa istalgan janglarda ishtirok etishini cheklab qo'yishni va bokschi menejeriga "Salita Promotions"ni xabardor qilmay janglar tashkillashtira olmasligini eslatishni so'ragan.

Avvalroq, Ergashev Olamsport.com saytiga bergan intervyusida ushbu jang translyaciya bilan bog'liq muammolar sabab amalga oshmasligini aytgandi.