SHomurodov va "Rostov" Dzyubasiz "Zenit"ni taslim eta oladimi? Prevyu

"Rostov" mavsumni o'z maydonida "Tambov"ni mag'lub etish bilan boshladi. Pavel Mamaevning yagona goli "Rostov"ga uch ochko keltirdi. "Zenit" o'tgan mavsum Rossiyadagi barcha sovrinlarni qo'lga kiritdi. Yangi mavsumning ilk turida liga debyutanti "Rotor" mag'lub etildi - 2:0. Artyom Dzyuba va Sebastyan Driussi gol urishdi.

Bu klublar hozirga qadar 56 bor to'qnash kelishgan. Ustunlik "Zenit" tomonida: 28ta g'alaba, 15ta mag'lubiyat va 13ta durang. O'zaro oxirgi 10ta o'yinda "Rostov" atigi ikkita g'alabani qo'lga kiritgan. O'z maydonidagi oxirgi 6ta o'yinning faqat bittasida "Rostov" bu jamoaga yutqazgan. Bir oy oldin bu klublar Rostovda o'zaro o'yin o'tkazishgan va unda "Zenit" 2:1 hisobida g'alaba qozongandi. Piterda esa Sergey Semak shogirdlari 6:1 hisobida zafar quchishgandi.

O'zbekistonlik Eldor SHomurodov bugun asosiy tarkibda maydonga tushishi aniq. Terma jamoamiz hujumchisidan bugun gollar kutamiz. Piter klubi safida esa jamoa sardori Artyom Dzyuba maydonga tusha olmaydi. Uning mushaklarida og'riq paydo bo'lgani aytilmoqda.

"Rostov" - "Zenit"

15 avgust. Rostov-na-Donu. "Rostov Arena" stadioni. 22:00 (Toshkent vaqti).

Bosh hakam - Pavel Kukuyan (Sochi).

Translyaciya - "Match-Premer".

TAXMINIY TARKIBLAR:

"Rostov": 4-2-3-1: Pesyakov, Kozlov, Osipenko, Xadjikadunich, CHernov, Normann, Popov, Ionov, Eremenko, Mamaev, SHomurodov.

"Zenit": 4-4-2: Kerjakov, Karavaev, Rakickiy, Lovren, Duglas Santos, Malkom, Barrios, Ozdoev, Mostovoy, Driussi, Azmun.

O'ynamaydi: Dmitriy CHistyakov (jarohat) - Andrey Lunev (jarohat), Artyom Dzyuba (jarohat).

Muallif taxmini: Bugungi o'yinda safarda o'ynasa ham favorit "Zenit". "Rostov" dastlabki turdagidek o'ynasa yirik hisobda yutqazishi aniq. Bugun taxminimcha "Zenit" kichik hisobda g'alaba qozonadi: 2:1.