05 iyu 15:20
Yangiliklar

Futbol

SHomurodovning jamoasi turkiyalik futbolchining transferini elon qildi

"Roma" o'z tarkibini "Lill" himoyachisi Zeki CHelik bilan to'ldirib oldi.

Bu haqda italyan klubi rasmiy sayti xabar bermoqda. 25 yoshli CHelik bilan 2026 yilning 30 iyuniga qadar shartnoma imzolandi.

"Men uchun bunday ulkan klubda o'ynash katta g'ururdir. Maqsadlarim katta va ushbu jamoada muvaffaqiyat qozonishni xohlayman", — deydi 19-raqamni olgan yangi o'yinchi.

Turkiyalik CHelik 2018 yildan beri "Lill"da o'ynayotgandi, u jamoa tarkibida 150ga yaqin o'yin o'tkazdi va 2021 yilda jamoa bilan Liga 1'da g'olib chiqdi. U Turkiya terma jamoasi tarkibida 32ta o'yin o'tkazgan.