SHota Arveladze ertangi muhim o'yin oldidan matbuot anjumanida savollarga javob qaytardi

"Guruhimiz juda kuchli. Qiyin va shiddatli o'yinlar o'tkazdik. Eronda ham, pley-offda ham. Ertaga ham shunday bo'lishini kutayapman. Ammo uyda doim o'ynash yaxshi", - deydi SHota Arveladze. 

"Guruhdagi istalgan bahs og'ir bo'ladi. Yaxshi tayyorlandik. Raqibni o'rganib chiqdik. Kuchli va kuchsiz tomonlarini bilamiz. O'yinga tayyormiz", - deydi Krimec. 

- Raqib safida alohida ajratib ko'rsata oladigan futbolchi bormi?

- Aniq bir futbolchini ayta olmayman. Ularning hujum chizig'i kuchli, Saudiya Arabistoni chempionatida har o'yinda o'rtacha 2tadan gol urmoqda. 

- Jarohat olganlar maydonga tushishga tayyormi?

- Barcha yigitlar safga qaytishdi va mashg'ulotlarga qo'shilishdi. Umid qilamanki ular ruhan ham tayyor bo'lishadi. 

- Sidiqov kelishi jamoaning o'yin uslubi, sxemasini o'zgartiradimi? 

- U hujumkor yarim himoyachi. Uning kuchli tomonlaridan foydalanishga harakat qilamiz. 

- Nima uchun barcha matbuot anjumanlariga faqat Egor Krimec kelmoqda? Bu "Paxtakor"ning yutqazmayotgani bilan bog'liqmi? CHunki u kelgan matbuot anjumanidan keyin ijobiy natija qayd etayapsizlar.

- Krimec jamoa sardori. Agar keyingi o'yinlarda boshqa futbolchini chaqirsangiz ularni olib kelamiz. Istasangiz 3 nafar futbolchini olib kelamiz. 

- Umar Al Somaning eng kuchli tomonlarini ayta olasizmi?  

Egor Krimec: - Yuqori darajadagi hujumchi. Al Soma jarima maydoni ichida juda xavfli. 

- Ertangi bahsdan oldin muxlislarga nima deysiz? 

Egor Krimec: - Uyda bizni faqat g'alaba qoniqtiradi. Yaxshi o'yin bo'ladi, kelib "Paxtakor"ga muxlislik qilishlarini so'rardim. So'nggi bor stadionimiz to'lganiga ancha bo'ldi. Eronda minglab muxlislar qarshisida o'ynash bizga manzur bo'ldi.

Narzulla Saydullaev