14 sen 15:06
Yangiliklar

Boshqalar

SHovotlik yozgi biatlonchilar tengsiz + FOTO

Urganch tumanining CHolish qo'rg'onida joylashgan Xorazm viloyati Mudofaa ishlari boshqarmasi huzuridagi chaqiriluvchilarni harbiy-texnik mutaxassislar bo'yicha tayyorlash markazining o'quv-mashq maydonida yozgi biatlon bo'yicha viloyat chempionati bo'lib o'tdi.

O'zbekiston mudofaasiga ko'maklashuvchi “Vatanparvar” tashkiloti Xorazm viloyat texnik va amaliy sport turlari markazi tomonidan uyushtirilgan musobaqada sportchilar yozgi biatlon dasturiga binoan yugurish va merganlik mahoratini namoyish etishdi.

Yakuniy natijalarga ko'ra, chempionat shohsupasi quyidagicha ko'rinish oldi:

Qizlar. 1-o'rin. Zuhra Ro'zimova (SHovot tumani O'STK). 2-o'rin. Gulnora Abdullaeva (SHovot tumani O'STK). 3-o'rin. Mehriniso Otajonova (Urganch shahar O'STK).

O'g'il bolalar. 1-o'rin. Mirfozil Yoqubboev (SHovot tumani O'STK). 2-o'rin. Sarvarbek Yaqubov (Urganch shahar ASTMUK). 3-o'rin.Isroil Saparboev (Bog'ot tumani O'STK).

Umumjamoa hisobida SHovot tumani o'quv sport texnika klubi yozgi biatlonchilari zafar quchishdi. Urganch shahar avtomobil sport texnika maktabi unitar korxonasi jamoasi ikkinchi o'rinni egalladi. Uchinchi o'rindan Bog'ot tumani o'quv sport texnika klubi vakillari joy olishdi.

CHempionaning yopilish marosimida g'olib va sovrindor sportchilar hamda jamoalar musobaqa tashkilotchisi - Xorazm VTAST markazi tomonidan taqdirlandilar.