SHuhrat Salaev Rim Gran-prisida bronza medalini qo'lga kiritdi

Ahamiyatlisi, ushbu musobaqada terma jamoamiz vakili SHuhrat Salaev sovrindor bo'ldi. -80 kg vazn toifasida ishtirok etgan yurtdoshimiz dastlab iordaniyalik Faxed Sbeyhini, ikkinchi bosqichda Tokio-2020 sovrindori xorvatiyalik Toni Kanaetni, chorak finalda esa ispaniyalik Daniel Barrerani dog'da qoldirdi.

Final yo'lida yurtdoshimizga Tokio-2020 Olimpiadasining boshqa bir sovrindori misrlik Seyf Eyssa raqiblik qildi. Birinchi bo'limni Salaev o'z foydasiga hal qilgan bo'lsa ham, keyingi raundlarda tajribali raqib ustunlikni o'z tomoniga og'dirib oldi.

SHu tariqa, SHuhrat Salaev bronza medaliga sazovor bo'ldi. Qayd etish joiz, bu SHuhrat uchun Gran-pri tasnifidagi musobaqalarda qo'lga kiritilgan birinchi medal. Afsuski, ushbu vaznda qatnashgan ikki karra JCH finalchisi Nikita Rafalovich medallar uchun kurashni erta tark etdi.