SHunaqasi ham bo'ladi: "Zenit" murabbiyi "Krilya Sovetov"ga futbolchi sifatida o'tdi

Rossiya chempioni "Zenit" safida ko'p yillar o'ynagan himoyachi Aleksandr Anyukov iyun oyida futbolchilik faoliyatini yakunlagani haqida elon qilgandi.

SHundan so'ng Sergey Semak boshqaruvidagi murabbiylar shtabiga yordamsi sifatida ishga kirishgan va murabbiylik faoliyatini boshlagan Anyukov qarorini o'zgartirdi. "Zenit"ni yangi mavsumga tayyorgarlik jarayonida murabbiy sifatida ishtirok etgan Anyukov futbolchilik faoliyatini qayta tiklashga ahd qildi.

Bunga "Krilya Sovetov" jamoasidan bo'lgan qiziqish sabab bo'lgan. "Zenit"da yordamchi murabbiy sifatida ish boshlagan Anyukov yana mixga ilgan butsalari olib Samaraga yo'l olgan va murabbiylik ishini tugatishni maqul ko'rgan.

Qayd etish kerakki, futbolchi aynan Samarada tug'ilgan va futboldagi ilk qadamlarini "Krilya Sovetov"da qo'ygan. Anyukov allaqachon Samaraga etib borgan va yangi jamoasi bilan Rossiya chempionatining dastlabki turi doirasidagi CSKAga qarshi o'yinga taraddud ko'rmoqda.

"Zenit" klubi esa Anyukovga yangi mavsumda futbolchilik faoliyatida omad tilashini maqul qilgan. Aleksandr Anyukov "Krilya Sovetov"da 22-raqam ostida to'p tepadi.