Simeone shartnomani uzaytirishga rozi. U rahbariyatdan yangi transferni so'radi

Argentinalik mutaxassis bilan tuziladigan yangi shartnoma 2024 yilning iyuniga qadar mo'ljallangan bo'ladi. Bitim borasida deyarli kelishuvga erishildi.

Diego Simeonening Madrid klubi bilan tuzgan amaldagi shartnomasi kelasi mavsumning so'nggiga qadar mo'ljallangan. Argentinalik jamoani 2011 yilning oxirida qabul qilib olgandi.

Manbaning xabariga ko'ra, Diego Simeone klub rahbariyatidan hujum chizig'ini Lautaro Martines bilan kuchaytirishni so'radi. Hujumchi "Inter"da o'ynamoqda, klub moliyaviy vaziyat sabab uning sotuvi uchun ochiq bo'lishi mumkin.