Simona Xalep yarim finalda kortga chiqa olmadi

Musobaqaning yarim finaliga etib kelgan sayyoramizning sobiq birinchi raqamli tennis malikasi Simona Xalep yarim final uchrashuvida kortga chiqmadi. Bunga ruminiyalik tennischining jarohati sabab bo'ldi. 

"Afsuski, yarim finalda kortga chiqa olmayman. Boisi, kechagi uchrashuvda tizzamni shikastlab oldim. Oxirgi daqiqagacha umid qilayotgandim, lekin og'riq kuchayib ketdi. Turnir tashkilotchilari va muxlislarga rahmat aytaman", - deya Xalepning so'zlarini keltirmoqda musobaqa matbuot xizmati. 

SHu tariqa, Simonaning vatandoshi Jaklin Kristian kurashsiz finalga yo'l oldi. Uning bosh sovrin uchun bahsdagi raqibasi amerikalik tennischilar - Elison Riske yoki Daniel Kollinz bo'ladi.