Singapore International Open. Guldonada ketma-ket ikkinchi mag'lubiyat, qolganlarda g'alaba

A va V guruhlarida tashkil etilayotgan musobaqada dunyoning 40 ga yaqin davlati sportchilari qatori o'zbekistonlik shaxmatchi qizlar ham o'z imkoniyatini sinovdan o'tkazyapti. Ular orasida isteodli shaxmatchimiz Guldona Karimova (2115) etakchilar safida borayotgan edi. Afsuski, ketma-ket mag'lubiyatlar sabab u turnir jadvalida yaxshigina pastlab, sovrindorlar safidan joy olish imkoniyatidan mahrum bo'ldi. Guldona 7-turda oq donalarda o'ynab, filippinlik grossmeyster Jon Gomezga yutqazib qo'ydi.

Nodira Nodijonova, Umida Omonova, Barchinoy SHokirjonova, Marjona Malikova va Asal Salimova 7-turda g'alabaga erishdi. Nilufarxon Imomqo'zieva singapurlik raqibi bilan murosaga keldi. Nodirjonov filippinlik grossmeyster Laylo Darvin (2402)dan, Omonova esa mo'g'ulistonlik grossmeyster Sumiya Bilguun (2470)dan ustun kelganini takidlash joiz.

Ochkolarini 4,5 taga etkazib olgan Nodirjonova va Omonova qo'shimcha ko'rsatkichlarga ko'ra mos ravishda 59 va 60-o'rinni band etgan. SHuncha ochkoga ega ispaniyalik Eduardo Iturrizaga 37-pog'onadan joy olgan. Barchinoy SHokirjonova 4 ochko bilan 103, Guldona Karimova 3,5 ochko bilan 121-o'rinni egallab turibdi. Uch yarim ochkoga ega Asal Salimova 144-pog'onada bormoqda. Polshalik Yan Klimkovski 6 ochko bilan turnir jadvalida yakka peshqadam bo'lib olgan.