Singapore International Open. Nodirjonovada g'alaba, Guldona kuchli grossmeyster bilan durang o'ynadi

A va V guruhlarida tashkil etilayotgan musobaqada dunyoning 40 ga yaqin davlat sportchilari qatori o'zbekistonlik shaxmatchi qizlar ham o'z imkoniyatini sinovdan o'tkazyapti. Ular orasida isteodli shaxmatchimiz Guldona Karimova (2115) etakchilar safida bormoqda. 

Kuchlilar jam bo'lgan A guruhi bahslarida qatnashayotgan Guldona 4 imkoniyatdan 3 ochko jamg'arib, qo'shimcha ko'rsatkichlarga ko'ra 13-o'rinni egallab turibdi. Rossiyalik grossmeyster Volodar Murzin 3,5 ochko bilan qo'shimcha koeficentlarga ko'ra peshqadamlik qilyapti. Yana 7 nafar shaxmatchi hisobida ham 3,5 ochkodan bor. Guldona 3-turda italiyalik grossmeyster Alessio Valsekki (2478)ni mag'lub etishni uddalagandi. 

Butunjahon shaxmat Olimpiadasida o'z doskasida kumush medalni qo'lga kiritgan Nodira Nodirjonova (2137) qora donalarda singapurlik Aditiya Gnanasekardan ustun kelib, ochkolarini 2 taga etkazib oldi. Umida Omonova oq donalarda o'ynashiga qaramay, mezbonlar vakilasi Jonatan Auyung bilan murosaga keldi. 

Uchinchi turda shaxmatchi qizlarimizdan Nilufarxon Imomqo'zieva va Asal Salimova raqiblariga yutqazib qo'yishdi. Barchinoy SHokirjonova esa filippinlik Paulo Bersamina bilan durang qayd etdi. Bugun 5-turda Guldona Karimova o'zi singari 3 ochkoga ega bo'lib turgan mo'g'ulistonlik grossmeyster Sumiya Bilguunga qarshi oq donalarda o'ynaydi.