Sirdaryodagi MFYlarga aholi sog'lom turmush tarzi uchun trenerlar biriktirilmoqda

Jumladan, Oqoltin Sirdaryo, Boyovut, Sayxunobod, Mirzaobod tumanlari Guliston va SHirin shaharlarida aholi va tashkilotlarda faoliyat yuritayotgan xodimlar ishtirokida yurish, yugurish, badantarbiya mashg'ulotlari, mini futbol, voleybol hamda mazkur tuman (shahar) sektor rahbarlari ishtirokida «SHaxsiy namuna» tamoyili asosida «Jismoniy tayyorgarlik darajasi» (turnikka tortilish, 100-200 metrga va 1 km masofaga yugurish, chalqancha yotgan holda gavdani ko'tarish (press), polga tayangan holda qo'llarni bukib yozish (otjimaniya) sinovlari tashkil etildi.

Aholining dam olish kunlari Jismoniy tarbiya va sport boshqarmasi va Ichki ishlar boshqarmasi hamda ularning hududiy bo'limlari hamkorligida tashkil etilgan sport tadbirlariga 2000 ga yaqin fuqarolar jalb etildi.

SHuningdek, sport tadbirlari davomi ishtirokchilarni arterial bosimi, tomir urishi, bo'ylari, vazn va qorin hajmi qalinliklari o'lchanib malumotlar bazasi shakllantirildi.

Viloyat Jismoniy tarbiya va sport boshqarmasi tomonidan viloyatdagi barcha MFYlarga aholini sog'lom turmush tarziga targ'ib qilish, ommaviy badantarbiya mashg'ulotlarini yo'lga qo'yish uchun trenerlar biriktirilmoqda.