"Snejnye Barsy"ga qarshi ikkinchi o'yindan so'ng "Humo"ning turnir jadvalidagi o'rni qanday?

Xabar berib o'tganimizdek, Toshkentning "Humo" jamoasi yigirma ikkinchi tur doirasida "Snejnye Barsy"ga qarshi ikkinchi o'yinini o'tkazdi. Uchrashuv 5:0 hisobida xokkeychilarimiz foydasiga yakunlandi va kutilganidek "qanotlilar" qozoqlarga hech qanday imkon qoldirmadi. 

22 ta o'yindan so'ng "Humo" hozirda turnir jadvalida 4-o'rinni egallab turibdi. "Snejnye Barsy" esa so'nggi 12-o'rinni band etgan. Toshkentliklar hisobida 30 ochko, raqib hisobida esa 2 ochko mavjud. "Humo" navbatdagi uchrashuvda g'alaba qozonsa, uchinchi o'ringa ko'tarilib olishi mumkin.