25 mar 13:35
Yangiliklar

Tennis

Sobolenko Miami Open turniridagi ishtirokini yakunladi

AQSHning Mayami shahrida o'tkazilayotgan nufuzli WTA turniri etakchi tennischilar uchun omadsiz davom etmoqda.

Sayyoramizning beshinchi raqamli tennis malikasi Arina Sobolenko ikkinchi davra uchrashuvida WTA reytingida 70-pog'onadan joy olib turgan ruminiyalik Irina-Kameli Beguga 4/6, 4/6 hisobida yutqazib qo'ydi.

Uchrashuv 101 daqiqa davom etdi va unda belaruslik 23 yoshli Sobolenko 6 ta, 31 yashar Begu esa 2 ta eys zarbasini amalga oshirgan. Bu tennischilarning o'zaro o'tkazgan ilk uchrashuvi edi. Endi Irina Miami Open turnirining uchinchi davrasida yana bir belaruslik tennischi Aleksandra Sosnovichga qarshi kortga chiqadi.