Sofiya Kenin Lionda bosh sovrin uchun kortga chiqadi

Musobaqaning yarim final uchrashuvlaridan so'ng bosh sovrin uchun kortga chiqadigan tennis malikalari nomi malum bo'ldi. Sayyoramizning beshinchi raketkasi Sofiya Kenin 1/2 finalda reytingning 62-pog'onasidan joy olgan belgiyalik Alison van Uytvankni qiyinchilik bilan mag'lubiyatga uchratdi.

Uchchala set ham tay-brekka qadar davom etdi va yakunda omad hamda g'alaba amerikalik tennischiga kulib boqdi - 7/6(5), 6/7(2), 7/6(2). Dramatik bahs 2 soatu 27 daqiqa davom etgan. Alison 22 ta eys zarbasini amalga oshirdi. Ikki tennischining o'zaro uchrashuvlaridan hisob esa tenglashdi - 2:2. Bugun Kenin bosh sovrin uchun bahsda germaniyalik Anna-Lena Fridzamga qarshi kortga chiqadi.