So'nggi vakilimiz Fayziev ham Farg'ona “CHellenjer”ida yutqazdi

Ushbu musobaqaning asosiy to'r bahslarida 5 nafar tennischimiz o'z ishtirokini boshlagan bo'lsa, ulardan hech biri birinchi bosqichdan o'ta olmadi. Hozirgina so'nggi vakilimiz Sanjar Fayziev ham mag'lubiyat alamini totib ko'rdi.

Dunyo reytingida 210-o'rinni egallab turgan qozog'istonlik Dmitriy Popkoga qarshi kortga chiqqan hamyurtimiz raqibiga 0:6, 4:6 hisobida imkoniyatni boy berdi. Kecha Humoyun Sultonov, SHonig'matjon SHofayziev, Temur Ismoilov va Jo'rabek Karimovlar ham raqiblariga yutqazishgan edi.

Musobaqa g'olibi 7,200 dollar mukofot puli hamda 90 reyting ochkosiga ega bo'ladi. Finalchi 4,240 dollar hamda 55 dollarni qo'lga kiritadi. Birinchi davrada kortga chiqqan barcha tennischilar o'z hamyonlarini 520 dollarga boyitib olishadi.