Sport farmakologiyasiga etibor kuchaymoqda

MOQda bo'lib o'tgan uchrashuvda mazkur yig'ilishda belgilab olingan rejalar ijrosini amalga keng tatbiq qilish masalalari ko'rib chiqildi.

Uchrashuvda MOQ raisi Rustam SHoabdurahmonov, O'zbekiston Milliy antidoping agentligi direktori Nodir Tursunov, MOQ qoshidagi RSTIAM bosh shifokori Dilshod Mahmudov va Markaz direktorining o'rinbosarlari Miralisher Islamov hamda Iskandar Mavlonov ishtirok etishdi.

Suhbat davomida sportchilarimizning qayd etayotgan natijalarini yanada yaxshilash bo'yicha farmakologik vositalardan to'g'ri va maqsadli foydalanishga alohida etibor qaratildi. Unda O'simlik moddalari kimyosi institutida o'tkazilgan yig'ilishdan xulosa chiqargan holda quyidagi masalalar bo'yicha chuqur mulohazalar olib borildi: RSTIAM tomonidan bugungi kunda terma jamoalarimiz foydalanayotgan tibbiyot vositalari bo'yicha tahliliy o'rganishlarni amalga oshirish, federaciya shifokorlari bilan ishlash tizimini qayta tahlil qilib chiqish, tibbiyot vositalaridan to'g'ri foydalanish va buning uchun har bir federaciyalarda maxsus seminarlar o'tkazish. Yig'ilishda yuqorida sanab o'tilgan yo'nalishlar bo'yicha masul xodimlarga tegishli ko'rsatma va topshiriqlar berildi.

SHuningdek, ish samaradorligini yanada oshirish maqsadida kerakli tibbiyot vositalarini imkon qadar o'zimizda ishlab chiqarish, sportchi, shifokor va RSTIAM o'rtasidagi ishlash mexanizmini takomillashtirish, terma jamoalardagi farmakologik taminotni qayta ko'rib chiqish, asosiysi sportchilarimizni taqiqlangan dori vositalaridan saqlash yo'nalishlariga ham alohida to'xtalib o'tildi.