Sport jurnalistikasidagi kamchilik va muammolar muhokama qilindi

Unda spiker sifatida MOQ Bosh kotibi Oybek Kasimov, O'zbekiston jurnalistlar uyushmasi raisi Olim O'sarov, Uyushma qoshidagi O'zbekiston sport jurnalistlari kengashi rahbari, taniqli jurnalist Mirzahakim To'xtamirzaev, MOQ raisi matbuot kotibi, axborot-siyosati masalalari bo'yicha maslahatchisi Zafar Imomxo'jaev, “Sport” telekanali direktori Zohid Karimov, saytimiz nomidan Kamoliddin Alimov, shuningdek, yurtimizda mazkur yo'nalishda faoliyat olib borayotgan jurnalist va blogerlar, sport federaciyalari matbuot kotiblari ishtirok etishdi.

Yig'ilish avvalida Oybek Kasimov mavzu yuzasidan o'z fikrlarini bildirib, uchrashuvning ahamiyati haqida to'xtalib o'tdi.

“Sport jurnalistlarini bir platformada yig'ib, mana shunday tadbir o'tkazilishi juda muhim voqelik hisoblanadi. Bu oldimizda turgan muammo va kamchiliklarni aniqlash, ularga birgalikda echim topishda biz uchun foydali. OAV xodimlarining yirik sport musobaqalarini delegaciyamiz bilan birga yoritib borishi juda muhim. Rio-2016 Olimpiya o'yinlarida delegaciyamiz tarkibida 4 nafar jurnalist ishtirok etgan bo'lsa, Tokio-2020 Olimpiadasida 10 nafar OAV vakillari bilan ishladik. Umid qilamizki, kelajakda bu boradagi hamkorliklarimiz yanada ortib, yirik kompleks musobaqalarni yoritishda katta tarkibda ishtirok etamiz”, – dedi Oybek Kasimov.

Uchrashuv davomida Olim O'sarov, Mirzahakim To'xtamirzaev, Zohid Karimov, Turizm va sport vazirligi matbuot xizmati vakili Otabek Eshmamatov, sport jurnalisti Kamoliddin Alimov sohadagi kamchilik va muammolar bo'yicha o'z fikrlarini bildirishdi. SHuningdek, MOQ Xalqaro aloqalar departamenti direktori Kamoliddin Ergashev yirik sport musobaqalarida OAVni akkreditaciyadan o'tkazishdagi mezonlar bo'yicha malumot berdi.

Tadbir davomida kengash faoliyatini tiklash, uni Xalqaro sport jurnalistlari associaciyasiga azo qilish, bu orqali yirik kompleks musobaqalarda o'zbekistonlik jurnalistlar uchun akkreditaciyadan o'tish jarayonida qulayliklar va qo'shimcha imkoniyatlar yaratish bo'yicha takliflar ilgari surildi. Qolaversa, joriy yil yakunida, dekabr oyining uchinchi 10 kunligida kengashning tasis yig'ilishini o'tkazish, unga yangi rahbariyat saylash bo'yicha kelishib olindi.

Qiziqarli mulohazalarga boy o'tgan yig'ilishda musobaqalarni yoritishda xususiy sektor hissasini oshirish, sport atamalari lug'atini shakllantirish bo'yicha qizg'in munozara o'tkazildi.

Suratlar muallifi: Alimurod Mamadaminov