Sport kurashlari: Bizda masofaviy faoliyat samarali davom etmoqda

Barchamizdan uyda qolish so'ralmoqda. Zero, faqat shu yo'l orqaligina tezroq koronavirus balosidan qutulish mumkin.  

Xususan, O'zbekiston sport kurashlari associaciyasida ham ish to'xtab qolgani yo'q. Bugungi axborot texnologiyalari yashin tezligida taraqqiy etib borayotgan zamonamizda associaciya rahbariyati, xodimlar, murabbiylar faoliyati masofadan turib davom ettirilyapti. 

"Telegram ijtimoiy tarmog'ida maxsus kanal ochilgan bo'lib, u erda doimiy axborot, malumot almashish yo'lga qo'yilgan. Murabbiylar sportchilarimizning karantin davridagi holati, ularning sog'liqlari haqida kunlik malumotlarga ega bo'lib borishyapti. Har bir kurashchi kuniga ikki mahaldan tana harorati haqidagi malumotni telegram kanaliga tashlaydi. Kunlik mashg'ulotlardan tashqari, karantin davrida bo'sh vaqt ko'p bo'lishini inobatga olgan holda assoaciaciya tomonidan o'ziga xos chellenjlar yo'lga qo'yilgan. Bu jarayon ham o'z o'rnida bo'sh vaqtni mazmunli o'tkazish uchun xizmat qilyapti. SHaxsan o'zimga kelsak, uyda farzandim bilan birga mashg'ulot o'tkazyapman, birga o'ynayapmiz. Onlayn darslarni tayyorlayapmiz. Bu sinovli kunlar tezroq o'tib ketishidan umidvormiz.", - deydi associaciya marketing mutaxassisi Ruslan Abdullaev.

O'ylaymizki, hukumatimiz so'rayotgan talablarga to'liq rioya qilsak, koronavirus pandemiyasini engish oson hamda tezroq amalga oshadi.