Sport mutaxassislari uch yilda oliy malumotga ega bo'lishadi

«2020/2021 o'quv yilida O'zbekiston Respublikasining oliy talim muassasalariga o'qishga qabul qilishning davlat buyurtmasi parametrlari to'g'risida»gi Prezident qarori bilan sport sohasida oliy malumotli mutaxassislar tayyorlash jarayonini optimallashtirish maqsadida «Sport faoliyati (faoliyat turlari bo'yicha)» bakalavriat talim yo'nalishi bo'yicha o'qish muddati uch yil etib belgilandi. Malumot uchun, bungacha O'zbekiston davlat jismoniy tarbiya va sport universitetining bakalavriat talim yo'nalishida o'qish muddati to'rt yil edi.

Sport faoliyati talim yo'nalishida o'qish muddatining bir yilga qisqartirilishi O'zbekiston Respublikasi Prezidentining 2020 yil 24 yanvardagi «O'zbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari to'g'risida»gi PF–5924-sonli farmonida belgilab berilgan, 2025 yilgacha davlat sport talimi muassasalarida trener va mutaxassislarning sifat tarkibi, xususan oliy malumotli xodimlar sonini bosqichma-bosqich 80 foizgacha etkazish borasidagi vazifani bajarishda qo'l keladi.

Darvoqe, «2020/2021 o'quv yilida O'zbekiston Respublikasining oliy talim muassasalariga o'qishga qabul qilishning davlat buyurtmasi parametrlari to'g'risida»gi Prezident qaroriga muvofiq 2020/2021 o'quv yili uchun O'zbekiston davlat jismoniy tarbiya va sport universitetining bakalavriat talim yo'nalishiga 1 300 nafar talaba o'qishga qabul qilinishi belgilangan. Bu o'tgan yilga nisbatan 10 foizga ko'p demakdir.

Eslatib o'tamiz, pandemiya sababli 2020/2021 o'quv yili uchun kirish imtihonlari optimallashtirildi. Unga ko'ra, O'zbekiston davlat jismoniy tarbiya va sport universiteti abiturientlari joriy yilda kasbiy (ijodiy) imtihonlarda ikkita yo'nalishda imtihon topshiradi. SHuningdek, kasbiy (ijodiy)+test shaklidagi talim yo'nalishlarida esa abiturientlar avvalgidek ikkita emas, balki bitta yo'nalishda ijodiy imtihondan o'tishadi.

Prezident qarori bilan, 2020/2021 o'quv yili uchun qabul jarayoni 2020 yil 20 iyundan 20 iyulgacha davom etishi belgilangan.