Sport sohasi mutasaddilari tashabbus ko'rsatishyapti + FOTO

2020 yil 14 aprel kuni O'zbekiston Respublikasi Prezidenti SHavkat Mirziyoev raisligida bo'lib o'tgan global inqiroz va pandemiya sharoitida qishloq xo'jaligi bo'yicha dolzarb vazifalarga bag'ishlangan videoselektor yig'ilishi bo'lib o'tgan edi. 

Mazkur yig'ilishda berilgan ko'rsatma va topshiriqlar ijrosini taminlash maqsadida Qashqadaryo viloyat jismoniy tarbiya va sport boshqarmasi boshlig'i Sirojiddin Odilov tashabbusi bilan Kasbi tumanidagi mahallalar aholisining o'z tomorqalaridan unumli foydalanishni tashkil etish va qishloq xo'jaligi maxsulotlarini  etishtirish yuzasidan tushuntirish ishlari olib borildi. 

SHuningdek, viloyat jismoniy tarbiya va sport boshqarmasi, Kasbi tuman jismoniy tarbiya va sport bo'limi, tuman bolalar-o'smirlar sport maktabi xodimlari, murabbiylari tumandagi yordamga muhtoj va kam taminlangan oilalar xolidan xabar olishib, ularga tegishli bo'lgan tomorqalarga ishlov berishib, poliz va sabzovat ko'chatlarini ekib berishdi. 

Sport sohasida samarali mehnat qilgan va ayni paytda 1-guruh nogironlari sanalgan Latif Salomov, Erkin Jo'raev, betobligi bois shifoxonada davolanayotgan Rahmatillo Madiev, boquvchisini yo'qotgan Dilnoza Sulaymonovalarning ham xonadonlarida bo'lishib, yordam sifatida oziq-ovqat mahsulotlari ulashishdi va ularning ham tomorqalaridagi bo'sh turgan erlarga ishlov berishib, turli xil ko'chatlar ekib berishdi. 

Bunday xayrli tashabbuslar jismoniy tarbiya va sport boshqarmasi tashabbusi bilan viloyatning barcha tuman va shaharlarida davom etmoqda.

Ilhom RAHMONOV tayyorladi