Sport vaziri O'zbekistonda qancha kurashchi borligini ochiqladi

Anjumanda O'zbekiston Respublikasi ssport vaziri, Xalqaro Kurash associaciyasi birinchi vice-prezidenti Adham Ikramov ishtirok etdi.

- Biz Besh tashabbus olimpiyadasiga kurashni ham kiritganimizda, ochig'i ishtirokchilar kam bo'lishidan havotir olgandik. Lekin musobaqalar davomida shuni ko'rdik-ki, unda 280 mingdan oshiq kurashchilar ishtirok etishdi.

Bu hammasi havaskor sportchilar. CHunki Besh tashabbus olipiyadasi ommaviy sportni targ'ib qiluvchi butun mamlakat bo'ylab o'tkaziladigan musobaqa. Unda professional sportchilar ishtirok etmaydi. Mamlakatimizning chekka-chekka hududlaridan 300 minga yaqin kurashchi g'oliblik uchun gilamga chiqdi.

Yana bir misolni aytib o'tmoqchiman. O'tgan yili Xitoyda bo'lib o'tgan Osiyo o'yinlarida o'zbekistonlik kurashchilar 4 ta oltin 1 ta kumush va 1 ta bronza medali bilan umumjamoa hisobida birinchi o'rinni qo'lga kiritishgandi. Bu davlatimiz medallar jamlanmasidagi eng katta ulushdir.

O'zbekiston hukumati shaxsan Prezidentimiz SHavkat Mirziyoevning qo'llab-quvvatlashi bilan Kurashning yangi davri boshlangan.

Xalqaro Kurash associaciyasi tomonidan juda ko'plab musobaqalar, tadbirlar va seminarlar o'tkazib kelinmoqda. Kurashni ommalashtirish yanada rivojlantirish yo'lida aniq maqsadlar va rejalarimiz bilan harakat qilmoqdamiz.