Sportchilar uy sharoitida mashg'ulotlarga zo'r berishmoqda + FOTO

Jumladan, viloyat boshqarmasi tasarrufidagi sportning yakkakurash turlari bo'yicha ixtisoslashtirilgan bolalar-o'smirlar sport maktabi tarbiyalanuvchilari ham uy sharoitida masofadan turib trenerlari ko'rsatmalariga amal qilgan holda mashg'ulotlarda ishtirok etishmoqda. 

Aytish kerak, ushbu sportning yakkakurash turlari bo'yicha ixtisoslashtirilgan bolalar-o'smirlar sport maktabi shug'ullanuvchilarining ko'pchiligi milliy terma jamolar safida yurtimiz sharafini himoya qilishadi. 

Mazkur sport maktabida boks, dzyudo, og'ir atletika, erkin kurash, yunon-rum kurashi, karate, taekvondo (VTF), kurash, qo'l jangi, velosport, o'q otish, ot sporti turlari mavjud bo'lib, 700 nafardan ortiq sportchilar 50 nafar tajribali murabbiylar qo'l ostida mahoratlarini oshirib borishadi.  

Birgina yaqin ikki yil ichida xalqaro turnir va musobaqalarda qo'lga kiritilgan natijalari tahsinga loyiq. Sport maktabi direktori Rahmatilla Karataevning takidlashicha, medallar shodasi endilikda oshsa oshadiki, ko'rsatgichlar aslo pasayib ketmaydi.

Ulkan maqsadalari sari odimlayotgan sport maktabi yoshlari karantin sabab uyda. Biroq mashg'ulotlar rejaga ko'ra masofa orqali davom ettirilmoqda. 

Quyida yuksak marralarni ko'zlagan sportchilarning uyda turib trenerlari ko'rsatmalariga amal qilayotgan paytdagi suratlari aks etgan jarayonlar bilan tanishishingiz mumkin.

Ilhom RAHMONOV tayyorladi, o'z muxbirimiz