Sportchilarimizga kerakli vitaminlarni o'zimiz tayyorlaymiz

Sir emaski, terma jamoalarimiz ishlatadigan aksariyat ana shunday vositalar xorijiy kompaniyalarda ishlab chiqariladi. Bugun MOQ raisi Rustam SHoabdurahmonov Qo'mita qoshidagi Respublika sport tibbiyoti ilmiy-amaliy markazi rahbariyati bilan mazkur sohaga yanada kuchli etibor berish mavzusida uchrashuv o'tkazdi. Unda Qo'mita raisi o'rinbosari SHerzod Tashmatov va Markaz direktori Abdushukur Sadikov, shuningdek, ushbu markaz mutasaddilari ishtirok etishdi.

“Dunyoda har bir soha shiddat bilan rivojlanib bormoqda. SHu jumladan, sport farmacevtikasi ham. Terma jamoamiz vakillari qanday vositalarni qabul qilishayotganini yana bir karra o'rganib chiqish lozim. Ayniqsa, WADA ro'yxatidagi taqiqilangan va hududimizda ko'p uchraydigan dori vositalari haqida sportchi va murabbiylar uchun seminarlar tashkil qilinglar”, – dedi Rustam SHoabdurahmonov.

SHuningdek, suhbatda sohani rivojlantirish uchun bir qator tegishli topshiriqlar berildi. Jumladan, jamoalarda foydalaniladigan preparatlar tarkibini o'rganib, uni mahalliy sharoitda ishlab chiqarish bo'yicha O'simlik moddalari kimyosi instituti olimlari bilan hamkorlik qilish kerakligi aytildi. SHuningdek, asosan ko'p talab bo'ladigan mashg'ulotdan so'ng yurakning tiklanishida, suyaklardagi kalciyning o'rnini qoplovchi va mushaklar elastikligini oshiradigan dori vositalarni ham yurtimiz sharoitida ishlab chiqarishni o'rganish bo'yicha ko'rsatma berildi.