Sportni ommalashtirishda xalqaro tajribadan foydalanish masalasi muhokama qilindi

Uchrashuvda tomonlar ikki tomonlama sport bo'yicha aloqalarni yangi bosqichga olib chiqish va sportni yanada ommalashtirish yuzasidan fikr almashishdi. SHuningdek, sportni targ'ib qilishda sportga ilmiy metodik yondashuv hamda bu borada mutaxassislarni ko'paytirish masalasi va ularning mahorat darajalarini yaxshilash borasida ikki tomonlama hamkorlik masalasi ko'rib chiqildi.

Uchrashuvda tomonlar sportning nafaqat xalqaro maydondagi yutuqlar uchun, balki har bir insonning salomatligi uchun zaruriy omil ekanligini alohida qayd etishdi. Bu borada aholining keng qatlamlarini sportga jalb etish va ularga zaruriy sharoitlar yaratib berilishi masalalari muhokama etildi.

Sportni ommalashtirishda Evropa tajribasidan foydalanish, ularning bu borada amalga oshirgan ishlarini yaqindan o'rganish va amaliyotga tatbiq etish borasida tomonlarning fikrlari tinglandi. Bu borada Diana Reklaytene xonim oxirgi 20 yil ichida sportni ommalashtirish va sport sohasida arzirli yutuqlarga erishib kelayotgan Islandiya va Finlandiya tajribasidan foydalanishni taklif sifatida kiritdi.

Uchrashuv yakunida Elbek SHukurov O'zbekiston Davlat Jismoniy tarbiya va sport universiteti va Litva sport universiteti o'rtasida yaqindan hamkorlikni yo'lga qo'ygan holda universitet bilan uzoq muddatli aloqalar o'rnatish va O'zbekistonda qo'shma fakultetlar ochish taklifini bildirdi.