Sportni rivojlantirish vaziri Samarqand shahridagi sport majmualari holati bilan tanishdi

Jumladan, joylarda sport inshootlarini barpo etish, ularga malakali murabbiylarni jalb qilish hamda terma jamoalarga munosib sportchilarni etkazib berish maqsadida hududlarda bir qator musobaqalar ham tashkil etilyapti.


Xususan, sportni rivojlantirish borasida Samarqand viloyatida amalga oshirilayotgan ishlar bilan yaqindan tanishish maqsadida Sportni rivojlantirish vaziri Adxam Ikramov mazkur viloyatda xizmat safarida bo'ldi.

Samarqand shahriga tashrifi davomida sport muassasalarining 2022/2023-o'quv yiliga tayyorgarlik jarayoni hamda sportning o'yin turlari va engil atletika bo'yicha ixtisoslashtirilgan sport maktabida yaratilgan shart-sharoitlar, ularda shug'ullanayotgan sportchilar faoliyati bilan yaqindan tanishildi.


O'rganishlar davomida Samarqand olimpiya va paralimpiya sport turlariga tayyorlash markazi samaradorligini yanada oshirish, bolalarni sport bilan muntazam ravishda shug'ullanishi hamda sportchilar sonini oshirish natijasida yuqori salohiyatli sportchilarni tayyorlash, shuningdek, sport infratuzilmasini yaxshilash borasida tavsiya va ko'rsatmalar berildi.

SHu bilan birga, vazir Adxam Ikramov "Afrosiyob arena"dagi qurilish-tamirlash ishlari bilan ham tanishib, joriy yilning sentyabr oyida o'tkazilishi rejalashtirilgan nufuzli sport musobaqalarini tashkil etish bo'yicha masullarga ko'rsatmalar berdi.

Qolaversa, viloyat mutasaddilari tomonidan “Besh tashabbus olimpiadasi” doirasidagi ommaviy sport musobaqalarining ikkinchi mavsumini o'tkazish uchun ko'rilgan chora-tadbirlar haqida ham malumot berildi.