28 jan 14:18
Yangiliklar

Tennis

St. Petersburg Ladies Trophy. Bugun Sabina dunyoning 454-raketkasiga qarshi kortga chiqadi

Mamlakatimizning birinchi raketkasi Sabina SHaripova Rossiyaning Sankt-Peterburg shahrida start olgan nufuzli turnirning saralash bahslarida ishtirok etyapti.

Turnirning sovrin jamg'armasi 799 000 dollarni tashkil qiladi. Hamyurtimiz kecha 2 soatu 39 daqiqa davom etgan saralashning ilk davrasida ispaniyalik Lara Arruabarrena-Vesinoni 3:6, 7:6(7:4), 7:5 hisobida mag'lub etgan edi.

Bugun SHaripova saralashning ikkinchi davra uchrashuvida rossiyalik Elena Ribakinaga qarshi kortga chiqadi. Ushbu bahsning boshlanishi Toshkent vaqti bilan soat 16:00ga belgilangan.

Taqqoslash uchun, saralashning oltinchi raketkasi sifatida harakat qilgan Lara dunyo reytingida 87, Sabina 176, Ribakina esa 454-o'rinni egallab turibdi.