Stockholm ATP 250. Istomin dunyoning 42-raketkasiga qarshi kortga chiqdi

Xabar berganimizdek, "Stockholm ATP 250" musobaqasida ATP reytingida 248-o'rinni egallab turgan hamyurtimiz Denis Istomin ham o'z omadini sinab ko'rmoqda. Mamlakatimizning birinchi raketkasi saralashning ikki uchrashuvida shveciyalik Jonatan Mridxa hamda slovakiyalik Yozef Kovalikni mag'lub etib, asosiy to'rga yo'l olgandi.

Kecha oqshom Istomin ilk davra uchrashuvida serbiyalik Filip Krayinovichga qarshi kortga chiqdi. Oltmish olti daqiqa davom etgan bahsda dunyoning 42-raketkasi bo'lib turgan tajribali Krayinovich 6/4, 6/2 hisobida g'alaba qozonib, ikkinchi bosqichga yo'l oldi. Bu tennischilarning o'zaro o'tkazgan ikkinchi uchrashuvi bo'lib, birinchisida ham serbiyalikning qo'li baland kelgandi.