Sultonov Bangalorda ikkinchi g'alabasiga erishdi, Karimov yutqazdi

Sovrin jamg'armasi 150 000 AQSH dollarini tashkil qiluvchi ushbu musobaqaning saralash bahslarida ikki hamyurtimiz ham ishtirok etayotgandi. Ulardan Jo'rabek Karimov saralashning ikkinchi davrasida franciyalik Mik Leshurga 4/6, 7/6(2), 6/7(5) hisobida yutqazib qo'ydi.

Humoyun Sultonov esa saralashning ilk davrasida ikkinchi raqam ostida tasniflangan britaniyalik Liam Brodini 6/2, 7/5 hisobida mag'lub etgandi. U ikkinchi bosqichda mezbonlar vakili Ranjit Virali-Murugesandan 6/4, 6/1 hisobida ustun keldi va saralash bahslarining finaliga yo'l oldi.