Sultonov kuchli raqibga qarshi uch setdan iborat uchrashuv o'tkazdi

Sovrin jamg'armasi 50 000 AQSH dollarini tashkil qiluvchi ushbu turnirda hamyurtlarimiz - Denis Istomin va Humoyun Sultonov ham ishtirok etyapti. Musobaqaning birinchi raketkasi bo'lgan Istomin kecha ilk davrada portugaliyalik Frederiku Silvani 6:3, 7:5 hisobida mag'lub etgandi. 

Hozirgina yakuniga etgan uchrashuvda istedodli tennischimiz Humoyun Sultonov misrlik Muhammad Safvatga qarshi bahs olib bordi. Ikki soatu 32 daqiqa davom etgan bahs yakunida tajribali hisoblangan Safvat 6:2, 4:6, 7:6, tay-brekda 7:4 hisobida g'alaba qozonib, ikkinchi davraga yo'l oldi. 

Taqqoslash uchun, misrlik tennischi dunyo reytingida 196, Sultonov esa 563-o'rinni egallab turibdi. Humoyunning saralash turnirida uch nafar raqibini mag'lub etib asosiy to'rga etib kelgani ham etiborga molik holat. Safvat bilan uchrashuvda Sultonov hisob 4:5 raqib foydasiga bo'lib turgan bir vaziyatda uchta matchboldan ham chiqib ketdi.