01 fev 10:38
Yangiliklar

Tennis

Sultonov Tailand turniri finaliga yo'l oldi

Tailandning Nontaburi shahri mezbonlik qilayotgan tennis bo'yicha ITF turniri o'z yakuni sari yaqinlashmoqda.

Mukofot jamg'armasi 25 000 AQSH dollarini tashkil etuvchi mazkur turnirda istedodli tennischimiz Humoyun Sultonov ham muvaffaqiyatli odimlamoqda. Hamyurtimiz bir necha daqiqa avval yakuniga etgan yarim final uchrashuvida g'alabaga erishdi.

Dunyo reytingida 330-o'rinni egallab turgan Sultonov o'zidan 22 pog'onada pastda borayotgan misrlik raqibi Karim-Muhammad Maamunni 6:1, 6:2 hisobida mag'lub etib, finalga yo'l oldi. Humoyunning bosh sovrin uchun bahsdagi raqibi xorvatiyalik Matiya Pekotich bo'ladi.

Malumot uchun, ATP reytingida 395-pog'onadan joy olgan Pekotich bugun yarim final uchrashuvida chexiyalik Adam Pavlashekdan 6:3, 6:4 hisobida ustun keldi. Sultonov turnirning ettinchi raketkasi sifatida harakat qilmoqda.