11 noy 10:27
Yangiliklar

Tennis

Sultonov va Karimov Bangalordagi ishtiroklarini boshlashdi

Hindistonning Bangalor shahrida tennis bo'yicha “CHellenjer” turkumiga kiruvchi turnir bo'lib o'tmoqda.

Sovrin jamg'armasi 150 000 AQSH dollarini tashkil qiluvchi ushbu musobaqaning saralash bahslarida ikki hamyurtimiz ham ishtirok etyapti. Humoyun Sultonov saralashning ilk davrasida ikkinchi raqam ostida tasniflangan britaniyalik Liam Brodini 6/2, 7/5 hisobida mag'lub etdi.

Yana bir istedodli tennischimiz Jo'rabek Karimov norvegiyalik Viktor Durasovichga qarshi bahs olib bordi. Qiyin kechgan uchrashuvda Jo'rabek raqibidan 6/4, 4/6, 7/6(1) hisobida ustun keldi. Bugun tennischilarimiz ikkinchi davra uchrashuvida kortga chiqishadi.