Sultonov Xitoy "CHellenjer"ining 1/8 finalida kortga chiqdi

International Challenger-Zhangjiagang saralash turnirida ikkinchi raqam ostida tasniflangan hamyurtimiz Humoyun Sultonov ikki g'alabasi evaziga asosiy to'r yo'llanmasiga ega chiqqan edi. Birinchi raketkamiz Sergey Fomin esa reytingdagi o'rni bo'yicha to'g'ridan-to'g'ri asosiy to'rda qatnashish huquqini qo'lga kiritgandi.  

Etiborlisi, qura natijasiga ko'ra ikki tennischimiz asosiy to'rning ilk davrasida o'zaro to'qnash keldi va unda Sultonov Fominni 7/5, 6/0 hisobida mag'lubyatga uchratdi. Afsusuki, Humoyunning o'zi ham 1/8 finalda mag'lubiyat alamini totib ko'rdi va musobaqadagi ishtirokini yakunladi. 

Tennischimiz bir daqiqasi kam ikki soat davom etgan bahsda avstraliyalik 24 yoshli Enco Agiardga 6/7(1), 4/6 hisobida imkoniyatni boy berib qo'ydi. ATP reytingida 513-pog'onada borayotgan Yashil qita vakili 1/16 finalda turnirda beshinchi raqam ostida tasniflangan, dunyoning 255-raketkasi, yaponiyalik Xayato Macuokani musobaqadan chiqarib yuborgandi - 6/3, 6/4. 

Taqqoslash uchun, ayni paytda Sultonov ATP reytingida 466, Fomin esa 295-o'rinni egallab turibdi. Humoyun 7, Enco 8 ta eys zarbasini amalga oshirdi. Qo'shxatolar hamyurtimizda ko'p bo'ldi - 2 ga 0. Bu tennischilarning o'zaro o'tkazgan ilk uchrashuvi bo'ldi.