Superbet Poland Rapid & Blitz. Nodirbek Abdusattorov peshqadamlar safida + FOTO

Mukofot jamg'armasi 175 000 AQSH dollarini tashkil etuvchi ushbu musobaqada dunyoning kuchli 10 nafar grossmeysteri bosh sovrin uchun bahslarga kirishdi.

Quvonarlisi, ular orasida dunyo reytingida 5-o'rinni egallab turgan hamyurtimiz Nodirbek Abdusattorov ham bor. Kecha turnirning ilk kuni shaxmatchilar uchta partiyada o'zaro dona surishdi. 

Malumot uchun, rapid yo'nalishidagi bahslarda g'alabaga 2, durangga 1 ochko beriladi. Blicda esa g'alabaga 1, durangga 0,5 ochko taqdim etiladi. Turnir g'olibi 40 000 dollarga ega bo'ladi.   

Ishtirokchilar: Magnus Karlsen (Norvegiya, rapid 2828/blic 2886), Vey I (Xitoy, 2758/2684), Yan-Kshishtof Duda (Polsha, 2748/2766), Nodirbek Abdusattorov (O'zbekiston, 2733/2661), Rameshbabu Pragnanandha (Hindiston, 2704/2675), Anish Giri (Niderlandiya, 2687/2715), Arjun Erigaysi (Hindiston, 2671/2744), Dommaradju Gukesh (Hindiston, 2649/2651), Vinsent Kaymer (Germaniya, 2647/2610), Kirill SHevchenko (Ruminiya, 2622/2546).

Birinchi partiyada Nodirbek Abdusattorov niderlandiyalik Anish Girini mag'lubiyatga uchratdi. Ikkinchi turda Dommaradju Gukeshdan ustun keldi. Uchinchi partiyada esa qora donalarda harakat qilib, Rameshbabu Pragnanandxaga imkoniyatni boy berib qo'ydi. 

Turnir jadvalida biroz kutilmaganda ruminiyalik Kirill SHevchenko 6 ochko bilan peshqadamlik qilyapti. Magnus Karlsen va Nodirbek Abdusattorov 4 ochkodan jamg'arib, kuchli uchlikka yakun yasashgan.