“Supermokh Cup 2016”. “Bunyodkor” “San-Paulo”ga yutqazdi va 4-o'rinni egalladi

Bugun kunning birinchi yarmida U-14 yosh toifasida “Bunyodkor” tarbiyalanuvchilari Braziliyaning “San Paulo” jamoasi vakillari bilan uchinchi o'rin uchun kuch sinashishdi. 

Uchrashuv qiziqarli kurashlarga boy bo'ldi. Lotin Amerikasi vakillari jismoniy va texnik jihatdan biroz ustunlik qilishdi va yaratgan vaziyatlarni golga aylantirishda aniq harakat qilishdi. Buning natijasida “San-Paulo” 3:0 hisobida g'alaba qozondi.

SHu tariqa, Sergey CHigodaev va Akmal Risqullaev boshchiligidagi 2002 yilda tug'ilgan futbolchilardan iborat “Bunyodkor” 20ta jamoa ishtirok etgan turnirda 4-o'rinni egalladi.

Kunning ikkinchi yarmida bo'lib o'tadigan final bahsida Portugaliyaning “Lissabon” futbol maktabi tarbiyalanuvchilari mahalliy Malayziya pumalari jamoasi bilan bellashadi.

2004 yilda tavallud topgan jamoamiz esa bugun Bruney qirolligining “Tabuan” klubi bilan kuch sinashdi va yirik 4:1 hisobida g'alaba qozondi. “Bunyodkor” gollariga Mirkamol Abdurazzoqov (2ta), SHahzodbek Akbaraliev va Akobirjon Ahmadjonov mualliflik qilishdi.

SHu tariqa, Mirkamol Qosimov va Temur Boboxonov boshchiligidagi U-12 futbolchilari turnirni g'alaba bilan yakunladi.